點解每一次都係我愛既人唔鍾意我,唔肯同我一齊,我真係好差咩??點解天要咁對我.....定係我做過d錯事,我自己唔知,所以而家有報應呀??

阿詩......我想你同我一齊,我唔想你係其中一個會離開我既人,我會為你付出所有

今朝7點鐘起身打俾阿詩,佢又訓到聽唔到電話啦.....跟住我好快收左線再訓左半個鐘,見重有少少時間就再訓多一陣,8點俾我老豆叫醒左,跟住打俾阿詩,佢呢次起左身啦,我聽錯以為佢話今朝請假唔返,所以我想陪住佢,不過佢話唔係,就好急咁出門口,因為佢又遲到啦,跟住我坐左3個字,見個鐘都8點3,所以諗住遲到,再訓,哈哈....我都好累,9點幾起身落去同老豆老母飲茶,好耐都冇飲過啦,食完返屋企想開電腦玩啦,點知開唔到,咁我又再訓.....今日都訓左好耐

12點度起身沖涼,打俾雞仔同佢一齊返學,返到去又搞中工,不過今次好快,冇野做係度吹水,得閒就同阿詩玩sms,放左學之後因為有歌唱比賽,所以去葵廣行左陣就返去比賽啦,去到果陣我見我第二個就要唱,本來好緊張,好大壓力,但係因為下午阿詩sned左個sms叫我加油,所以我個人定左好多,但係唱果陣我都覺得差左少少,希望聽日佢同我講我可以入決賽啦,因為我好想win場比賽,當然有我既理由啦,最後隻合唱就好好多啦,個個都話可以入決賽,我都定左好多

8點度返到屋企食完飯,傾左msn,就去左洗碗,洗完就落左去搵肥谷同雞仔,吹到11點度上左肥谷屋企睇碟,就係果隻人人都講緊咩超低能,勁搞笑啦,悶就有d悶,不過有d地方都真係好好笑,返屋4果陣打俾阿詩,佢話就訓,今晚唔可以傾電話,我聽到有d唔開心,不過算啦,佢聽日要練排球,唔緊要啦~~所以我叫佢早d去訓

返黎就打xanga啦,超低能~~~~係咁多,勁搞笑~~~

今日係放完假第一日正常返學,一早起身真係好辛苦,6點半打電話叫阿詩起身返學,點知個懶訓豬又唔知醒,打俾佢之後我又訓返,唔係雞仔打黎,我真係唔識醒,7點5起身好快咁搞掂d野就好急咁打返俾雞仔出門口,落到樓下,見雞仔未到又打俾阿詩,好採佢起左身,跟住佢話就黎遲到,遲d先搵我,真係.....

今日返到去上電腦堂,好開心,又可以同阿詩玩sms,呢兩日佢同我send野我都好開心,但係最衰就係我個死人3台係學校成日都收唔到,搞到好耐先可以send一個

電腦之後又返去工場,今日好d~~搞中工果d野,唔係又累死.....lunch終於可以聽到阿詩把聲啦,不過佢同d fd玩緊,唔想阻住佢所以傾分鐘就收線啦

放學好快咁出左荃灣搵個妹,俾左錢佢之後就屋企啦,返去果陣借左隻新007返屋企睇,返到黎send左個sms睇阿詩做緊咩,佢話好累,咁我就叫佢沖個涼去訓陣

食完飯睇完隻碟,就去左搵雞仔,跟住傾左一陣打俾阿詩睇佢起身未,佢話岩岩先起,我問佢餓唔餓,叫佢食d野,佢話唔想食,我驚佢會唔會唔舒服,肥谷食完野到左之後又係度係咁講佢學車d野,煩到雞仔唔想聽,我又要應酬下肥仔,係咁易講兩句,傾下傾下,11點幾就返屋企啦,返緊果陣都打左俾阿詩,問左佢少少ham yu d野,傾兩句又要收線啦,返到黎食左幾件桂花糕,係我以前個x習老婆俾我阿媽拎返黎既,幾好味,一路食一路打xanga,一陣就陪阿詩傾電話,哈哈~~最開心都係有阿詩陪我果陣,今日就咁多啦

p.s阿詩今晚早d訓呀,聽日又要早起身,放學又要學琴,唔好再咁夜訓啦

又有成半個月冇打xanga啦,今日見到雞仔有xanga,所以我同佢講我地一齊打

上個星期識左女仔,叫阿詩,果日係ham yu約佢出街,我先見到佢,我第一眼見到佢果陣,感覺上佢係幾斯文既女仔,雖然佢有食煙,但係佢唔似其他女仔咁,少少事就係咁講粗口,果日問佢拎左電話,第二日開始打俾佢,一路同佢傾電話,傾開感得佢係一個重感情同埋好長情既人,我知道我自己一路想搵既,就係呢種人,可能我俾人傷得太多,我而家唔可以同以前咁玩玩下,是但搵個女仔返黎就算,我明白我自己係鍾意,同yoyo分左手幾個月,佢係第一個令到我好想同佢一齊,好想保護,關心佢,用盡自己全部既時間,精神同埋個心去愛既女仔,雖然我識佢唔耐,但係呢種感覺真係好深同埋好真實,我係愛上左呢個女仔^.^

我問過一個女仔,我問佢點先叫做愛上左一個人,佢話當你對住果個人,你有一種想同佢發生性行為既感覺果陣,你就愛上左佢.好好笑,我覺得愛上一個人既感覺唔係咁,係當果個人唔搵你既時候,你會掛住佢,好想見到佢,好想聽到佢同你傾計果陣把聲,好想佢成日都係你身邊既時候,你會發現自己鍾意左佢,唔係想同佢發生性行為呢d先叫做愛,愛一個人唔一定要性,只係需要性既,你根本唔愛佢,你只係當佢係一樣工具,要黎滿足你

我搵左咁耐,終於可以搵到個值得我去愛,我會想保護既女仔,我係呢度講既一個原因,係要俾人地知道,我而家愛既女人,叫阿詩,佢叫自己做詩樂冰,我識佢果日,我重好傻咁問佢點解唔叫自由jump,哈哈~~傻仔=]